اعمال ساخرة >

البنات بقى اللى لسه عدلها مجاش تعمل اييييييييييه؟



نقلته  : ايات حسني

البنات بقى اللى لسه عدلها مجاش تعمل اييييييييييه؟
ركزى منك ليها بقى علشان ربنا يس...هلهاك

*أولا : الولد بيحب البنت الرقيقة

...رفعوا صوتكم يا بنات .
و أول ما تشوفى حاجه وحشة ..يغمى عليكى من كتر الرقة
عيطى كتير . العياط دليل على الاحساس المرهف نكدى عليه الليلة .

*ثانيا: الولد بيحب البنت الرومانسية
سبلى له .اسرحى كتير كلميه عن القمر و حاجات من دى .قوليله شايف القمر يا عتريس
لازم تكونى هيمانه و انتى بتتكلمى . و يكون صوتك واطى .. وشوشة .

*ثالثا : الولد بيحب البنت المؤدبه

قولى له انه اول واحد فى حياتك حتى لو كنت متجوزة قبل كده و حامل فى توأم..
و لو سأل على انتفاخ بطنك قولى له ده كيس دهنى
و لو عارف و متأكد انه كان لك علاقات كثيرة قبله دى كلها اشاعات ده هما اللى كانوا معجبين بيا لكن انا ولا سألت فيهم كلهم

رابعا : الولد بيحب البنت الستايل

كل ما تشوفى حاجه جديدة قلديها . يقولوا الموضه الشعر الاصفر .. اضربيه اصفر .. الموضه القصير .. قصريه ..
مش مهم شكلك ايه .. ماتصدقيش اللى تقولك ما تخديش من الموضه الا اللى يناسبك ..
دى بتغير منك و مش عايزاكى تبقى على الموضه .
ملحوظه : لو مش عارفه ايه الموضه اختارى لك واحدة معينة او مذيعة و قلديها .. خليكى نسخة منها .

*خامسا : الولد بيحب البنت الدلوعة

ادلعى ياختى انت و هى مش محتاجه دروس دى ياختى منك ليها.

*سادسا : الولد بيحب البنت الجذابه اللى بتكون محور اهتمام الآخرين

فهميه ان في آخرين كتير معجبين بيكى
و قولى له : ارجوك اوعى تغير انا حواليا كتير .
ولا بيهمنى أبدا منهم ايه يعنى اكون حلوة فى عينهم .
ألفى قصص وهمية عن الأولاد الهيمانين فيكى و اللى انتى مدوخاهم بسحرك و جمالك .

*سابعا : الولد بيحب البنت اللى بتحسسه برجولته و تحسسه بنفسه

ايه ده ! .. ايه العضلات دى كلها .. دى احلى عضلات شفتها فى حياتى .
. يا سلام !! ايه الشياكة دى كلها . انت أشيك ولد شفته فى حياتى .
.(مش مهم هو لابس ايه . انبهرى و خلاص ) .
يا سلام !! انت تقاطيع وشك حلوه بشكل ( حتى لو كانت ملخبطه ) و طول مانتى قاعده اشكرى فيه خليه كده قاعد نافش ريشه . و فرحان بنفسه .

*ثامنا : اتمحكى فيه ( الزقي له )خليكى دايما معاه

كل شويه كلميه فى التليفون بأى حجة . قابليه فى كل حته يروحها . إعملى عليه كماشة . بحيث مايعرفش يبعد ن عيونك
و لا يشوفش غيرك ادامه . روحى له الشغل و الجامعه و كل حته اكبسى على انفاسه

*تاسعا: عددى مواهبك

اكلك لازم مظبوط
قوليله انا ملحى فى الاكل لا كتير ولا قليل وبعمل شاى سكر زياده . وبلون البيض المسلوق .

*عاشرا : رغم حبك الشديد للحريه والانطلاق

قوليله انت مالِك وقتى وتفكيرى مش عارفه اعمل حاجه الا انى افكر فيك . مليت على ايامى شغلت لى الزمن

 

ملحوظة هاااااااامة

اى واحده يتقبض عليها بسبب الكلام دا او تنزل صورتها فى الحوادث

انا معرفهاش و ماليش دعوة بيها محدش قال لها تسمع كلامى

و بالشفا ان شاء الله
 








شاهد ايضا

12 Comments


  1. 20/04/2011

    كتاباتك ساخرة ذات خصوصية وخفة روح بس بجد الأجمل انه يكون حد يستاهلها عشان ماتعملوش كل حاجة وف الآخر يطلع روحها

  2. 20/04/2011

    اهم اشي النكد وخاصة احنا مشهورين بمجتمعنا بنكد والكشرة ولي ع الكشرة شو بتخلي الشب يسيح سوحان سوحان حلوة مسطلح جديد

  3. 20/04/2011

    http //www.facebook.com/pages/latifa songs forever2011/217632438251658

  4. 20/04/2011

    بصراحه كتير روعه اضحك الله سنك هههههههههههههه
    الله يستر على البنات يارب ويرزقهم ربي الزوج الصالح بارك الله فيكي حبيتبي

  5. 20/04/2011

    ههههههههههههههههههههههه يجنن يا ايات ان لم استطيع ان امسك نفسى من الضحك بس للاسف يا ايات الوصفات دة مبتجبش نتجة انا فى يوم اتخطبت لعريس لقطة كان بنسبة للجميع ممتاز كان يعمل عارض للازياء فى امريكا كان فى البداية مجنون بى يريد ان يتم الزواج فى اسرع وقت ممكن وتعللت لتاجيل لانى لا اعرفة جيدااا ولكن ما حدث كان غير كل التوقعات جميعا وجدتة انسان مندفع فى بداية العلاقة ولكن بعد قليل وجدتة يقول لى سالى انتى انسانة جميلة من عائله ممتازة شخصية لم اقابلها من قبل مثقفة لبقة انيقة وانا لا اقتنع انة يوجد شيء كامل ما هو العيب الذى سوف اكتشفة بعد الزواج احتمال تكونى لا تنجبى وكانت صدمتى فى عريس المبجل وخطيبى الرائع اخذ من وقتى ثلاثة اشهر ليعرف ما العيب لا ما الميزة التى بى وكانت النهاية بس بجد الموضوع رائع يا ايات ولا يزيدة روعة الا انه منكى انتى يا قمر منور الفيس بوك دمتى مبدعة حبيبتى ومتالقة دائمااااا ومن نجاح الى نجاح يا رب

  6. 20/04/2011

    ههههههههه ولا حاجة من النصايح العشرة دى بتنفع على فكرة ده كان ايام الفراعين دلوقتى الموضوع مختلف تماما اهم شئى درجة الجمال وحتساعدى معه فى دخل البيت بقد ايه وثالثا معاكى شقة وعربية ولا حنقديها مواصلات ونقعد عندكم فى البيت

  7. 20/04/2011

    على فكرة مفيش واحدة تقدر تعمل كل دا . اكيد لازم يكون فيها حاجة ناقصة . الا وكانت بقة انسانة خارقة للعادة مش موجودة اصلا او ممكن نقول عروسة صينى مهيأنها على المواصفات دى ههههههه

  8. 20/04/2011

    والله في كثير بيعملوا كدا وتستغربي من تصرفاتهم يعني مش محتاجين للوصفة , تسلمي اية على الكلام دا بجد جميل جدا

  9. 20/04/2011

    أه والنبي يا أيات أحسن الرجالة اليومين دول شحين في السوق . هههههههه . يا شيخه بلا هم يعني التجوزو عملوا ايه ولا أقولك أستني لما اتجوز واقولك

  10. 20/04/2011

    طيب ما تسال تعمل إيه نظرة إلى حال المتزوجين اولالالا هيلاقوا نفسهم فى نعمة هههههههههههه

  11. 20/04/2011

    على فكرة البنات عارفة ان الجواز فى مشاكل كتير المشكلة مفيش رجال عايز تشال مسؤلية

  12. 20/04/2011

    وبالنسبه للرجاله عادي يعنى ؟؟ نستنى احنا شويه ولا ايه ههههههه

اضافة تعليق