المجلة الثقافية >

ايمان لطفي تكتب : يا دنيا ايه اللي فاضلي فيكي ؟؟..



ايه يستاهل اعيشك واشتريكي ؟؟

اسأل وابكي ..

وارجع اقول ما انا لسه فيكي ..

لسه روحي طايره هنا ..

وقلبي بالحب لسه ماليكي ....

 

 

آآه منك يا دنيا غيرتيني و لخبطتي حالي....

خليتي الحلو يتمرمر في قلبي قبل لساني ....

والكلمه بقى ليها ألف معنى بين الناس ...

واللي فاضل م الحب  كلمه بدون أحساس ...

ويستعجبوا ويسألوني ببساطه مالي ؟؟؟

ردت دموع عينين داقت اللي جرالي ..

قالت مسكين حزين بالغلب عمره انداس ....

سكت الكلام ....

انعقد اللسان ومين يرد مرة ويجاوب سؤالي ..

يا دنيا ايه اللي فاضلي فيكي ؟؟

ما هودا طبعك و حالك ...

 دايما بتغني عليا ...

امتى هيجي يوم   أغني ليكي...

 

آآآآآآه منك يا دنيا وألف آآآه من الأيام...

الفرحه بتيجي لحظه وتغيب عني في ثواني ...

لا بتلحق تبوس الشمس وتجيب لي فجري ..

ولا تمسي على الأحلام وتحضنلي الليالي...

واقولها مالك مستعجلة وماشيه زي القطر ..؟؟

تقولي مين دا اللي يقدر يأخر ساعة العمر ؟؟ 

القطر لما يمشي ما بيرجعش بضهره تاني !!

اسكت واقول يا مين يعلمني حكمتك ..

نفسي اخد منك قد ما اديكي..

 

طب والناس مالها سارحة وملهية فيكي ؟؟

فين البسمة اللي كانت تسقى الود في كلامنا..

والهلة اللي تفرحنا ووقت اللقا وتسبق سلامنا...

وبياض الورد اللي بلون كل القلوب ..

وضحكة رقيقة ما لهاش اي صوت .. لكن فيها رنة ...

راح فين كل دا ؟؟؟

 

في متاهة مسلمين ليها ولا مسلمالنا ؟؟

شايفين اخرتها ولا الحيرة واقفة قبالنا...

بنعيد ونزيد في كلام مالهوش اي معنى ؟؟

يقولوا  ارحمينا و اسكتي ربنا  يهديكي...........

 

مين يعرف القدر ؟؟ ومين يفهم الايام؟؟

يقولك ياعم سيبك من الأوهام ....

محمومة والحرارة توهتني ....ايوه جايز ...

وان ضاع الحلم مرة ففي حلم لسه عايز ...

عايز زهر الامل يزرع بشر غير البشر ...

عايز سما صافيه ونجوم بتنده عالقمر ...

عايز هََنى ...

عايز منى فيه حبي يحلا بيكي ...

 

لسه هاستنى حد يمسك في ايدي ...

يقول ما بشوفش الجمال غير بس فيكي ...

ساعتها هارجعلك يا دنيا ما انا ليا  فيكي








شاهد ايضا

0 Comments


اضافة تعليق