المجلة الثقافية >

محمد حنفي علي يكتب : فاكر يا بطرس



فاكر يا بطرس أيام زمان
لما نجحنا في الإمتحان
وقفنا صخره ضد الهوان
بإيدي وإيدك كسرنا العدوان
إنجليز صهاينه وفرنسيس كمان
فاكر يا بطرس أيام زمان
لما حاربنا العدو الجبان
كنت بنزف وانت زعلان
إدتني دمك بحب وحنان
فاكر يا بطرس أيام زمان
لما قولنا في الصحرا نزرع
كتفي في كتفك والخير بيطلع
القمح نعمه والأرض تلمع
ولادنا تاكل والفرحه تجمع
إبني وحفيدك بتاريخنا يسمع
أيام جميله والجاي أروع
فتن غريبه والحب يمنع
أعداء وطنا يتمنوا تولع
أغراض دنيئه للعقل تخدع
حيل قديمه بس إحنا أجدع
وحدتنا قوه والحب مدفع
أحمد وبطرس لمصر أبدع
كنيسه مسجد للرب نضرع
يحمي بلدنا بالحب يشفع








شاهد ايضا

0 Comments


اضافة تعليق