كلام غير مباح >

قعدة ستات - 5




بقلم : نادية حسن

لا مش ممكن ده فوق طاقه البشر ؟؟؟ المطلوب منى ايه؟ استيعاب واستعوبنا سكوت وسكتنا ضحك على نكت بايخه وضحكنا حتى المواضيع السخيفه التى لا تعنينيى بتكلم فيها !!!
 ودون ان تنتظر حتى ان نستفسر او نستفهم منها عن سبب هذه الثوره ؟ اكملت حديثها عارفين ( انا وهبه ) اسخف شىء فى الدنيا وقبل ان نجيب رفعت يديها مشيرة لنا بأن لا نتكلم  انا أأقولكم ان تكون حياتك مع شخص تفكرى فى كل كلمه وكل حرف ماذا سيفهم منه وماذا سيكون رده ؟ والاشد سخافه ان يكون من فصيله القطار !!!
ولم نتمالك انفسنا  خاصة انا وقلت لها لا افهم يعنى ايه قطار ده مصطلح جديد ونظرت لهبه انتى فاهمه حاجه يعنى ايه  شخص من فصيله القطر وبصوت الواثق من نفسه والعارف ببواطن الامور : يعنى يدوس اللى فى طريقه صح ؟ وبدون ان تنظر الينا ايه ده انتم فاكرين انى بحكى لكم عن قطار من قطارات الهيئه ، لا فصيله القطر يعنى شخص كل شىء عنده بمواعيد لا يحيد عنها ويقف فى محطات بعينها لو صادف تواجدك اخذك اما اذا لم تكونى موجوده فلا تلومى الا نفسك .
وصلت المعلومه . ياه دى لفه طويله وفلسفيه اوى ما تقولى شخص روتينى وخلاص ، لا الروتينى غير لانه يحتمل ان يكسر روتينه او يقنعه احد بالتغيير. لكن القطار من صفاته وسماته ومميزاته ان يكون هكذا لايقدم ولا يؤخر . عرفتم ليه بقول  شخص من فصيله القطار وهززنا رأسنا اعلانا مننا بفهم ما ترمى اليه .
هبه : ولكن هذا لايعيب اى شخص بل على العكس سيكون التعامل معه مريح خصوصا فى مواعيد الخروج والارتباطات . اما انا فوجدت انها تركيبه متعبه ومرهقه جدا وغير مبتكره تشبه بعض الصحف التى باتت محفوظه وتلك المسلسلات الرمضانيه الممله  وبدون مقدمات نظرت الينا بأستياء انا مش عارفه انا عملت ايه حتى اصحابى لا نفع منهم انا ماشيه وتركتنى انا وهبه دون ان نفهم عن اى الاشخاص كانت تتحدث هل هو زميل عمل او زوجها او واحده نعرفها !!!
 فكلمة شخص تشمل الرجال والنساء ؟! وقالت هبه ربما تقصدنى انا او ارادت ان تلمح الى تركيبيتى ولم اتمالك نفسى للمره الثانيه وانفجرت فى الضحك : هبه لا اظن انها تعنيكى بالمره فانتى ابعد التركيبات عن الروتين والاهم من كل هذا انتى شخصيه غير منضبطه بالمره خاصه في المواعيد أتذكرين يوم كان يفترض ان تمرى على فى السابعه ولم تأتى الا الثامنه ونظرت اليها بغيظ رغم مرور  مايقرب من سنه على هذا الحدث الا اننى لم انسى ؟ وكدت اعاتبها مره اخرى واستفسر عن عدم احساسها بالوقت الا  ان دخول ساره قد اجل هذا العتاب . وبنظره سريعه لوجه ساره كان تعليق هبه مناسب اهلا اهلا الظاهر ان النهارده يوم المفاجأت خير على راى المثل ( على وشك يبان يا نداغ اللبان ) فى ايه ياساره شكلك طالع من خناقه  ولا ضربتى حد ؟.
وبعد ان تنهدت تنهيده لها اكثر من تفسير لا ده ولا ده ؟؟ انا قررت الانفصال  ونظرت انا و هبه لبعضنا البعض دون اى تعبير او اندهاش !! اويبدو ان رد فعلنا قد اغاظها وبكل عصبيه انتم سمعتونى بقولكم هنفصل عن جوزى يعنى هنسيب بعض يعنى هنطلق  .....وبمنتهى البرود  . كويس ده احسن قرار اخذتيه على بركة الله وايدت هبه وجهة نظرى تصورى ياساره ده قرار حكيم ايه اللى يجبرك على العيشه دى كل يوم شد وخناق وقرف يلااا الف مبروك .
  وبمنتهى الغضب انا عمرى ما شفت اصحاب كده انتم اصحاب انتم ااقولكم هطلق تقولوا مبروك وقرار حكيم بدل ما تنصحونى ! وبهدوء مصطنع سألت هبه مش ساره داخله على ربع قرن جواز؟؟؟ سمعنا فيها  قرار طلاقك وانفصالك بمعدل مرتين كل شهر ولم. تنفصلى وكنا نقوم بتهدئتك ونصيحتك وتصرى على الانفصال ؟! وامام هذا الاصرار لم نجد امامنا الا موافقتك ومباركه قرارك . وللمره الثانيه هذا اليوم تتركنا احدى صاحباتنا دون سبب !!!؟؟؟
وهكذا هى قعدات الستات لا تستطيع ان تتوقع ابدا نهايتها او كيف ستسير!!؟؟؟.








شاهد ايضا

0 Comments


اضافة تعليق