شعر و زجل >

لـــــووووووووووو .......... قصيده بقلم مرفت حموده





لو كان ضميرك بيسمح لك تهين فيّه
وتعيش حياتك طول وعرض بأنانية
وبتفتكر انك قوى ومالك كبير
يبقى نسيت ربنا ومالك فى يوم ديّة

لو كنت أقدر أرمى العذاب و أنساه
وأعيش ليومى وألقى اللى بأتمناه
ماكنت شيلت الهم ورميته
أصل الأمل يحيى لحد مداه

لو كان لقلبى ألف باب وباب
لقفلت أبوابه الكتير وفتحت باب
ومنعت مين يدخله الا الصحاب
دى قلوبهم من دهب مش من تراب

بيقولوا ده قدر وعلينا خلاص انكتب
واللى ما يقدر عليه ما يبقى عليه العتب
ماهو أصل القدر مكتوب علينا أساس
يبقى نغيّر فيه ولا نعيشه بسبب

لوكان فى يوم يرجع بيّه الزمان
ويخيرونى بين اللى كان وكان
لكنت غيّرت الطريق من أوله
لكن دى لو..تفتح عمل الشيطان








شاهد ايضا

0 Comments


اضافة تعليق