شعر و زجل >

بتعلمونا ليه .... قصيده بقلم امير عبد الله .. امير الحروف





بتعلمونا ليه
من واحنا صغيرين
نعشق تراب ارضنا
نعرف غلاوة الطين
ونصون تراث لاجداد
الكرما الطيبين
بتعلمونا ليه
لحاجات ما هيش موجوده
ذي الخيال في الطل
متسرحه وممدوده
وكانها اوهام
عالقلب مشدوده
واما كبرنا عليها
لقينا ناس تانيين
باعوا تراب ارضنا
باعوا جمال مجدنا
ولا حد يوم قالنا
الناس دي تبقي مين
هل هما مصريين
رضعوا الوفا ذينا
من صدر مصر حنين
شربوا الامان منها
حسوا بالمها سنين
هل دولا ناس مننا
ولا دي ناس خاينين
طب لما هما كده
يا كبار ما قلتوش ليه
ان الوطن مقسوم
بين ناس شاريه ترابه
وناس كتير بايعين
واحنا اللي بيه حاسين
دموعنا ملو العين
٠٠ بتعلمونا ليه ٠٠

٠٠ امير عبدالله ٠٠
٠٠ امير الحروف








شاهد ايضا

0 Comments


اضافة تعليق