شعر و زجل >

بحبك يا مصر .... بقلم سيد منير






لسه النهار بيضوى

والامل راكب سفينه

بدور عليكى يا عمرى

يا سفينه القلب انتى

مهما غيابك  طال

ساكنه فى القلب انتى

قلبك  نبع الحنان

ومعاكى الليل  أمان

 بلدى يا رمز المحبه

معاكى العمر  هان

مهما كبرنا وعلينا

عمرنا ما نكبر عليكى

دا حبك جوة قلوبنا

شاغلنا طول وعرض

مشوارنا فيكى طويل

ها نعدى معاه ونميل

ونمحى كل جروحك

ونشيل المستحيل

ونزرع دروبك ورد

يا مصر يا ورد النيل

ها نعمرك جناين

ونبيد كل خاين

واللى يحاول يضرك

عيونا له متربصين

احنا يا بلدى امانك

ووردك فى بستانك

وشوكه فى عين اعدائك

م اليوم ليوم الدين

ها نحارب الافاق

والمحتل والغاصب

ما تخافى ابدا يوم

اولادك لهم متربصين

من اول هولاكوا

واخرهم محتل فلسطين

يشهد ربى ويعلم

إنك فى امان ليوم الدين






شاهد ايضا

0 Comments


اضافة تعليق