داري جمالك ..... قصيده للشاعر زغلول الطواب





غطى وشك يا بهيه
بالطرحه المنقوشه
نقشه دهب ونقشه
فضيه
دارى جمالك
عن كل العيون
أنا قلبى مغرم
بيكى يا صبيه
دارى سحر رموشك
دارى الحُسن
إللى مرسوم فوق خدودك
داريه عن عيون كل الدنيا
نظرة عيونك فتاكه
كيف الرصاصه القتاله
لو صابت القلب
يصبح أسيرالغرام والعشق
يسهر طول الليل يدق
ويرعش كيف البردان
يا بهيه
الحب مرار وغلب
والشوق نار بتكوى القلب
آلامه بتسكن الوجدان
العشق صعب يا صبيه
آلامه شوق وسهد وغرام
والثانيه لو مرت
تبقى حاجه صعب
كأنها سنين وأيام
دارى يا حلوه جمالك
حاسس بقلبى إتخطف
يا بهيه
إنتى مش قد الغرام
أنا قلبى طبعه حامى
ومليان حنيه
لو طب وحب
قولى ع قلبك السلام
ولا هتداويه أطبا
ولا دوا وبرشام
دواه عندى يا بهيه
دارى جمالك
وغطيه بالطرحه
هكتب كتابك يا بت
ونعلى الجواب والفرحه
ونقضى أحلى ليله
ف الدنيا




شاهد ايضا

0 Comments


اضافة تعليق