شعر و زجل >

بادوبك يوم .... بقلم شهرت ابو المكارم



 
يادوبك يوم
بيجي ويمشي في دقيقه
بيسواها
بيسوي حتي معناها
يادوب عالقد
وبالزحمه يلغبطني
وفي حبال الهوا الدايب
يشعبطني
ويشغلني في توهه وصوت
وتذكرتي حجزهالي لترحالي
يادوب في دقيقه وصلني
لبر خيال مصبرني
يادوبك اشب احاول اطول
ومباطولشي
وازود حبه خطواتي
في ترحالي لأنماطي
رسيت علي مرسي لبلادي
ووادي وسعه وسع الكون
واخره صور لكن عالي
وانا وحالي ومحتالي نوينا
نطوله بإيدينا
ولو يعند ويتصلب بقي علينا
هنقوي بصوت يواسينا
ننادي عليها حريه تنجينا








شاهد ايضا

0 Comments


اضافة تعليق