المجلة الثقافية >

محمد حنفي علي يكتب : مأســاة جنين



في البداية أعرفكــــــــــــم بنفســي إسمي طفل وصفتي بيبي
لسه هرضع لسه هحبـــــــــــي وبدأت همومي قبل ولادتي
وانا جوه في بطن أمـــــــــــــي كنت بائس حزين وبابكي
من غير دهشه أو تعجــــــــــب أصلي جوه بسمع حكاوي
قصص عجيبه حكايات غريبه بس لسه مالهاش مداوي
مواضيع أروها حكايات عاشوها وحكايات تتغنا في الغناوي
عن أم بتبيع رضيعها لعيون عشيقها عن أب باع عياله لاجل الغواني
والا أخ يقتل أخوه أو حتى أبوه من غير لا رحمه ولا تفكير حتى لثواني
والا إبن أغتصب أمه والا أخته والا أب باع بناته بمهر فاني
و المظلوم عشان فقير ينصروا الغني عليه ولو حتى جاني
و الناس قال من كترها يبنولهم فوق الشوارع كباري
ولا أمين بالإسم في القسم يضرب برئ يشتبه إنه حرامي
ورب أسره يصحى من النوم لشغله ومنه على شغل تاني
أو حكومه تغش في شعبها توعدو بالأحلام والأماني
من بعدها يعود الظلم موش أقل ده أكتر مـ الأولاني
هي دي مأساتي وحكايتي ولا أسمعكم حكاوي تاني
شوفتو إنها حاجه تخوف والا فيه لسه ماسمعتوش وداني
أقوللكم موش هتولد أو أعيش في دنيتكم ولا عصركم الأسوداني








شاهد ايضا

1 Comments


  1. 18/09/2010

    هي دي مأساتي وحكايتي ولا أسمعكم حكاوي تاني
    شوفتو إنها حاجه تخوف والا فيه لسه ماسمعتوش وداني
    أقوللكم موش هتولد أو أعيش في دنيتكم ولا عصركم الأسوداني

اضافة تعليق