الناس والمجتمع >

خالد عليش : انا فى انتظار فرصة حقيقية



اجرى الحوار : عمرو عاطف و احمد مجدي

بدا مشواره بمسرح الجامعه ثم استغل موهبه التمثيل واتجه للتمثيل الاذاعى باف ام ولكنه لم ينجح بها وزاد كفاحه واصراره وقدم لمبه شو واجاد فى برنامج كان كده بقى كده ثم فاصل مش اعلانى هذا بجانب اعماله فى نشره الخامسه والعشرون وعمله براديو حريتنا والتحاقه باذاعه ميجا اف ام موخرا وعمل برنامج ربع مشكل والذى حقق نجاحا كبيراً ....



تعالوا نتعرف لمشوار النجم القادم بقوه فى عالم الكوميديا خالد عليش

حدثنا عن بدايتك لدخول مجال التمثيل ؟

- انا فى الاول فى المدرسه كنت بمثل شويه اداوار وخدت عليها جوايز على مستوى الجيزة ولما كنت فى جامعه القاهرة بمسرح الجامعه ابتديت اعمل شويه اداور وكان هناك مسرحيه وعملت بيها دور كوميدى كبير وعجب الناس واللجنه واداره المسرح بالجامعه فعرضوا عليا انى اشتغل معاهم كتير واصبحت واحدا من فريق التمثثيل بالجامعة واشتغلت بعد كده كتير وخدت جوائز مركز اول بجامعه ومن خلال التمثيل فى ساقية عبد المنعم الصاوى حصلت على جايزة احسن ممثل عن دورى فى مسرحية مالتيستا ودخلت مسابقة راديو ستار على اذاعة نجوم اف ام وعرفت فى ذلك الوقت بعليش الجبارواوشكت على الفوز لانى كنت حاسس انى الناس مبسوطه منى ولكن لم يحالفنى الحظ فى الفوز

وماذا فعلت بعد هذا الفشل فى راديو ستار  ؟

-  بدأت استغلال الموهبة في اداء الكثير من الإعلانات التجارية لأشهر الماركات والعملاء في السوق المصري والعربي فى مجال التعليق الصوتى وعمل مع اكبر وكالات الدعايا والاعلان.ومن خلال معرفتى بالاستاذ محمد كوينه واحمد فهمى خلال تجربتى برايدو ستار لما بداو يتجوا الجزء الاول من لمبه شو استعانوا بيا واعجبت شركه الشوتايم بالفكره وعرضوها على قنواتهم

حدثنا عن تجربتك فى برنامج لمبه شو خاصه انها اول تجربه حقيقيه يشاهدها الجمهور ليك ؟
- لمبه اول حاجه عملتها السنه اللى فاتت فى قناه الشوتايم واكنت اول حاجه فعلا اواجه بيها الجمهور واكن فيه دور مشهور بيه اوى ابو الروبيل

ومالذى شدك فى لمبه شو ؟ وهل هذه اول سكتش شو بمصر ؟

- بالنسبه لى فى الاول اى حاجه اوافق عليها عشان لسه فى الاول ، وكمان عشان الفكره لسه جديده وهو من نوعيه السكتش شو  زى  لما بدا السيت كوم بشباب اولانلاين وتامر وشقيه وكانت فكرت ماخوذه من امريكا وعجبت الجمهور ، وهذه لم تعتبر اول سكتش بمصر بل كان فيه برنامج بعد كده اللى هو من غير مقص كان على المسرح بيعرض سكتشات وجى بعديه برنامج ال cdn   فكرته انه بيعمل السكتشات على المسرح لكن فكره انك تصور فيديو وبستايل الدراما وكاميراتا وتقطع دى كانت اول مره

حدثنا عن نوعيه السكتش شو ؟

- هذه الفكره ماخوذه من امريكا وهناك برنامج يعرض حتى الان حيث يستضيفوا نجما ما ويعملوا اسكتشات واحنا خدنا الفكره دى زى ما هى وبدانا نعمل الاساسيات والمواضيع بتاعتنا ولكن لا تستطيع ان تعمل كل يوم سكتشات لانك اذا لم تتغير وتضيف حاجه جديده هيمل منك الجمهور

وما رايك فى السيت كوم ؟
- السيت كوم ظهر عندما عرض شباب اونلاين لاحمد الفيشاوى وده كان اول ظهور له فى مصر وكان حوالى سنه 2000 وبعد كده تامر وشوقيه وكان هناك تجربه احمد اتجوز منى ولكنها لم تنجح بعد ففكره ان السيت كوم لذيذه وانتشرت حيث بتعتمد على مكان ثابت وشخصيات ثابته وانت بتبدى تلعب بيهم واصبح ليدنا الان سيت كوم كاجزاء وهو نوع ناجح جدا وعليه اقبال من جانب قنوات كثيرة تشتريه

وما الفرق بين السيت كوم والمينى كوم والسكتش شو  ؟

- هو السيت كوم الشخصيات ثابته فى نفس اللوكيشن مثل الكافيه والبيت والبنزينه والعياده او اى مكان بيتحدد فبتصور كل حاجه فى هذه الاماكن والشخصيات بتكون ثابته ويجيلهم ضيوف ومده الحلقه بتتراوح ما بين 13 دقيقه و 18 دقيقه اما المينى كوم دى حاجه لايت ما بين خمس ل 6 دقايق مبتاخدش وقت بتبقى موضوع مبتبقاش مسلسل بتبقى برنامج مثل برنامج كان كده بقى كده دى حاجه مينى كوم

 انما لمبه هى سكتش مش فكره انى انت عامل تاثيرات وعاملها برنامج مليان سكتشات عشرين دقيقه بين سكتشات ملهاش اى علاقه ببعضها ولكن العلاقه انهم نفس الممثلين واحد وبتعتمد على  الضحك و المفروض انى انت بتكثف المجهود عشان تقدر تخرج من كل شخصيه وتقنع الجمهور بيها

حدثنا عن تجربتك فى برنامج كان كد بقى كده ؟

- كانت تجربه حلوة اوى وزودت شهرتى ونجحت فيها وكان من حسن  حظى وفوجت ان قناه نايل كوميدى عرضتلى عملين فى رمضان حيث اتعاقدت مع شوتايم لعرض لمبه شو وانتجت كان كده بقى كده فبدات الناس تعرفنى وتتصور معايا فنان مبسوط لكن ان اكان نفسى انى اتشهر بعديها من قبل شركات الانتاج لكن للاسف لسه ما انتشرتش اوى فى شركات الانتاج لانى كان نفسى استثمر ده فى ساعتها بس الحمد لله

هل حضرتك شايف ان هذه النوعيه ستنتشر خلال الفتره القادمه ؟
- وليه لا وكمان سمعت انى فيه شركات بتنتج هذه النوعيه من البرامج وليه لا مينجحش لانه نوع جديد على الجمهور

ثم عرض لك بعد ذلك  تجربه ثالثه وهى فاصل مش اعلانى حدثنا عنها ؟

- فاصل مش اعلانى ايضا مينى كوم والفكره ان التليفزيون المصرى قدر يتجرا لهذه التجربه ولكن اذا كانت قناه اخرى لرفضت الفكره وافت حيث يسخر من الاعلانات فكانت تسبب العديد من المشاكل وكانت كوكاكولا لما اذعنا اعلاناتهم افتكرت الناس انها حمله من ضمن حملات كوكاكولا فالشركة نفسها انبسطت من هذه الاعلانات ودى جراءه من التليفزيون المصرى انه يقدم حاجه زى كده

من الملاحظ ان برامج لمبه شو و فاصل مش اعلانى هى برامج سخريه وتسبب الكثير من المشاكل ؟

- مش كل الناس ، انا شخصيا لما بشتغل مش بحب اقلد حد فى الشخصيه لانى مش بحب التقليد اوى انما بنقلد موقف للشخص ده مثل تقليدى لاسامة منير وانبسط جدا ولم يغضب

لكن برده كان فيه مشاكل كانت بتحصل معانا لما عملنا حلقه عن المستشار مرتضى منصور وحصلت مشكله والحلقه اتلغت ولم تذاع من موجه كوميدى

وما رايك فى رد فعل الجمهور تجاه اعمالك ؟

- فيه ناس مخرجين ونقاد قالوا كويس وييجى منى لكن معظم الجمهور العادى انت متقدرش تقيم نفسك من خلاله لانى الناس العاديين ما بيصدقوا حد مشهور بيطلع فى التليفزيون ويعجبوا بيه  

وكلمنا عن تجربتك فى راديو حريتنا ؟

- انا اصلا شغال مدير اعلانات وفويس اوفر والاصوات بتاعت فاصل مش اعلانى انا اللى عاملتها فهى دى كانت البدايه انى بعمل اعلانات وبدات اشتغل فى الاذاعه راديو حريتناوالمكان حاسس انه مش مرتب اوى وانا بعمل اعلانات ومسلسلاتت فى حريتنا ودى ادانى خبره واتنقلت لاضاعه ميجا اف ام

وايه هى اذاعه ميجا اف ام ؟

هى اذاعه كلها اغانى متواصل انا بعمل فيها الاعلانات بتاعت الاذاعه نفسها

وربنا يكرمنى فيها ان شاء الله

ما فكره برنامج ربع مشكل ؟

هذا البرنامج ياتى استكمالا لنجاح برنامح لمبه شو ولكن بافكار جديده ففكرته مجموعه استكتشات لشخصيات مختلفه بيعرضوا من خلالها المواقف المختلفة من جوانب الشارع المصرى لذلك اطلق عليه ربع مشكل فهوتشكيله للمواقف المصريه التى تحدث

كلمنا عن الشخصيات اللى مثلتها ؟

فيه شخصيه العلامه الزعفرانى وهو شخص عالم بيطلع فى برنامج الحكماء ويفتى فى كل المواضيع

والدكتور عبد الشافى كان دكتور يعذب المرضه بتوعه بطريقه كوميديه

وكمان شخصيه ليشه الشخص اليهودى الاهبل

وغيرها من الشخصيات المختلفة

سمعنا غضب من التليفزيون الاسرائيلى حول شخصيه ليشه ؟

فى موقع نشره التقرير اللى اذاعه التليفزيون الاسراشيلى اسمه ماكو  ولقيت الناس بدات تكلمنى وقالوا انها ضجه

وقالوا انى التليفزيون المصرى شايف انى الاسرائيلين بخلاء واغبياء وقالوا انى البرامج دى بتعادى الساميه

واى شخصيه اقرب الى قلبك ؟

عبد الشافى كان بسيط جدا وبحبه عشان بحس انه ادائه  ابسط

هل بتفكر فى عمل جزء تان من ربع مشكل ؟

لسه مش عارفين ممكن بعد العيد نقدر نكرر

حدثنا عن اعمالك الفتره القادمة ؟

- انا هاركز فى اى حاجه جديده فهى ليست فرصه للاختيار وانا وصلت لمرحله انى مش هاطلع فى دور صغير تيجى تقول كلمتين وخلاص، لكن اى حاجه هتيجى مش بعيد انى اوافق عليها

وماذا عن المسرح ؟

- مجتش فرصه وانا ناوى اشتغل فى الجامعه لو جالى شغل بالرغم ان شغل الجامعه متعب جدا بس انا بحب المسرح اكتر من اى فن اخر لانى المسرح بيكون فيه تفاعل معاه موسيقى وجمهور لكن الفيديو انت بتمثل والموسيقى بتتركب بعد كده







شاهد ايضا

0 Comments


اضافة تعليق